الأزمة تتطور.. لاعب الاهلي يقتحم «خناقة» ميدو وكوكا ويوجه تعليقا (القصة الكاملة)
حرص محمد هاني لاعب الفريق الأول لكرة القدم بالنادي الأهلي على دعم أحمد حسن كوكا المُحترف في صفوف فريق كونيا سبور التركي، بعد المشادة الساخنة مع أحمد حسام ميدو والذي وصفه بأنه لا يصلح للعب مع المنتخب الوطني، وذلك بعد استبعاد البرتغالي كارلوس كيروش له من قائمة الفراعنة التي ستشارك في كأس الأمم الإفريقية 2021.
ونشر هاني صورة لكوكا عبر انستجرام وعلق: لاعب كبير.
القصة الكاملة لازمة ميدو وكوكا
البداية كانت من ناقد رياضي غرّد عبر حسابه بـ "تويتر": "في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه الـ99 في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة.. كل التحية لمسيرته".
تغريدة ميدو أثارت استياء كوكا حيث رد بشكل عنيف عليه، وكتب: "مهاجم متواضع؟ أولًا هو أنت أصلا مين طلب رأيك؟ ثانيًا إنت مبطل كورة وإنت عندك ٢٩ سنة وكل الناس عارفة ليه".
وأكمل: "ثالثًا لو رقم الأهداف اللي أنا جايبه شايفه قليل ماجبتوش إنت ليه؟، مع إن اللي بيلعب في نادي أكبر فرصه بتكون أكتر في التسجيل؛ رابعًا حاولت تبقي مدرب ومبتكملش شهر في أي نادي".
وتابع: "خامسًا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وإنت بتتكلم وحش عني".
وأتم مهاجم النادي الأهلي السابق قائلًا: "أنا عارف إن أكبر غلط إني أرد عليك وإنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجة من الناس بعد ما أبطل كورة وبعد لما أموت غير السيرة الحلوة".
ولم يتوقف التراشق بين الثنائي عند هذا الحد، بل قام ميدو بالرد على كوكا، وهاجم مهاجم أولمبياكوس السابق وكتب: "عمري ما روحت المنتخب علشان مناسب حد مهم.. انت عارف كويس انت كنت بتروح المنتخب لسه.. رد في الملعب حاول تروح المنتخب.. انت لاعيب تعبان وكل مؤهلاتك نسبك وانت عارف كويس".
وأضاف: "عمري ما لعبت في دوريات الالاضيش اللي انت بتلعب فيها.. يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه".
