”الأهلي لما يحب يخلص بيخلص”.. رمضان صبحي يكشف كواليس إنضمامه لبيراميدز
حل رمضان صبحي لاعب نادي بيراميدز ضيفًا على برنامج "الحكاية"، المذاع على فضائية "ام بي سي مصر"، ليتحدث عن كواليس انضمامه للفريق السماوي.
انضم رمضان صبحي، إلي صفوف بيراميدز، في فترة الانتقالات الصيفية الجارية لمدة 5 مواسم مقابل 200 مليون جنيه، بعد رفضه الاستمرار في صفوف الأهلي، عقب نهاية إعارته من نادي هيدرسفيلد الإنجليزي.
وواصل: "مقدر زعل الأهلاوية وهرجع واقول القصة، انا بدات في الأهلي وبعدين روحت انجلترا قعدت سنتين ونص، وكان نفسي اكمل المشوار، وبعدين روحت هيدرسفيلد، واتصابت ولم أشارك بشكل كويس، ولما رجعت مع الإصابة، وكنت عايز اروح أي نادي تاني العب فيه في أوروبا وصدفت الأهلي كان بيلعب الترجي وخسر البطولة الأفريقية، وحسيت أني عايز أرجع الأهلي وأنا اللي طلبت كدا".
وتابع: "كلمت حسام غالي ومحمد فضل وقولته لازم أرجع الأهلي لحبي وأنا كنت عايز أساعد الفريق، والخطيب كلمني وخلصنا الموضوع ولعبت 6 شهور إعارة ومكنتش في مستوايا المعهود، وبعد 6 شهور إعارتي خلصت، وكنت عايز اقعد سنة في مصر كمان عشان اروح المنتخب الأول".
وأشار: "وصلي احساس غير مباشر أن الفريق مش عايزني زاي الأول، وبعد مشواري مع الأوليمبي واتصابت ملعبتش كمان بعد فيروس كورونا، ورجعنا التمرين في نهاية 7 وأنا كنت فاكر أني هكمل بعد اشتراط الفيفا بان المعارين يكملوا بعد توقف النشاط".
وتابع: "النادي كان عايز يكسب من ورايا وقال لمسئولي الأهلي لازم يشتروني بمبلغ 3 مليون استرليني والأهلي لما بيعوز يخلص بيخلص، وطول الوقت دا انا عايز اكمل برة".
وقامت إدارة النادي الأهلي بإرسال خطاب جديد إلي إدارة نادي ستوك سيتي الإنجليزي، للمطالبة بالحصول على مستحقاته البالغ قدرها 2.5 مليون جنيه إسترلينى، من صفقة رمضان صبحي، التي تمت عام 2016.
وكان نادي ستوك سيتى قد تعاقد مع رمضان صبحي فى صيف 2016 مقابل 5 ملايين جنيه إسترلينى ودفع النادى الإنجليزى للأهلى القسط الأول من قيمة الصفقة وقيمته مليونى و500 ألف جنيه إسترلينى، ورفض تسديد القسط الثانى والأخير والذى يبلغ نفس قيمة القسط الأول (مليونى و500 ألف جنيه إسترليني)، بعد صدور حكم قضائى من لصالحشركة "مسك" راعى قناة الأهلى السابق يُفيد بتغريم القلعة الحمراء 134 مليون جنيه بسبب قيام الأهلى بفسخ العقد بينهما من طرف واحد.
وأبلغت شركة مسك النادى الإنجليزى بالحجز على أرصدة الأهلى فى البنوك كما طالبت شركة "مسك" ستوك سيتى بعدم تسديد باقى مستحقات صفقة رمضان صبحى للأهلي.
إقرأ أيضا..
خاص.. الخطيب يغلق الباب أمام رحيل نجم الأهلي وتحذير لوكيل أعماله
لجنة التخطيط بالأهلي تقرر الاستغناء عن لاعب الفريق وعرضه للبيع
خاص.. الأهلي يبحث عن عرض أوروبي للخروج من ورطة الـ2 مليون دولار
