شوبير لـ ”حسام عاشور”: ”اسكت شوية ما تتكلمش تاني .. الكلام ده بيخسرك كتير”
هاجم الإعلامي أحمد شوبير، حسام عاشور لاعب الأهلي السابق، والذي وقع على عقود انضمامه لصفوف الاتحاد السكندري أمس الاحد تحت قيادة التوآم حسام وإبراهيم حسن.
وتابع شوبير في تصريحات إذاعية: "حسام عاشور كل ما بيتكلم بيخسر، مش بتسكت ليه، بتتكلم علطول وكلامك بيخسرك كتير من رصيدك".
وأضاف: "أنا بدافع عنك ليل ونهار، وبقول لازم يرفع درع الدوري ولازم يكون ليه دور في النادي، وأنت طالع تتكلم، الكلام ده بيخسرك كتير، وياريت تخليك واضح في كلامك معانا"
واختتم شوبير: "الاتحاد من الأندية اللي بنحبها وكل المسؤولين فيها نكن لهم كل الاحترام والتقدير، وليس له علاقة بذلك، ولكن خليك واضح وأنت بتتكلم"، لافتا إلى أن حسام عاشور من الممكن أن تكون أول مواجهة له مع الاتحاد السكندري أمام الأهلي في بطولة كأس مصر".
وأعلن نادي الاتحاد السكندري، أمس الأحد رسميا، ضم حسام عاشور لاعب وسط الأهلي السابق، لمدة موسمين في صفقة انتقال حر.
وأوضح الاتحاد، أن عاشور وقع عقد انضمامه إلى الفريق السكندري في حضور حسام حسن المدير الفني وإبراهيم حسن مدير الكرة ووليد بدر المدير الإداري بالإضافة إلى محمد مصيلحي رئيس النادي.
