شاهد... خناقة ساخنة بين ماجد سامي وأحمد الميرغني بسبب عودة الدوري
شهدت الساعات القليلة الماضية، مشادة كلامية، بين أحمد الميرغني، نجم الزمالك ونادي وادي دجلة السابق، مع ماجد سامى، مالك نادى وادي دجلة بسبب الخلاف حول عودة مسابقة الدورى المصري الممتاز 2020.
وجاءت المشادة على خلفية، التصريحات التي يصدرها ماجد سامي، بشأن رفضه التام لعودة مسابقة الدوري العام المصري، بسبب فيروس كورونا.
وكتب الميرغني عبر حسابه الشخصي على الفيسبوك: "بقالي فترة متابع اللي بيتقال علي رجوع الدوري و كل شوية بيجي قدامي كلام الاستاذ ماجد سامي مالك وادي دجلة علي رفضه التام رجوع الدوري خوفاً علي حياه و صحة اللاعبين والقائمين علي المنظومة الكروية ( انا علي فكرة معه في رأيه أنه ميرجعش دلوقتي حفاظاً علي حياه الناس )".
وأضاف نجم دجلة السابق: " بس هل هو ده اللي حقيقي في نيته ولا هو عاوز الدوري يتلغي علشان وادي دجلة بيصارع علي الهبوط".
وتابع المرغني: "لو انت خايف علي حياه الناس كنت خفت علي مستقبلي لما كنت بلعب في وادي دجلة و وقفت معايا خصوصاً ان انا ساعتها كنت لاعب عندك في الفريق حتى لو شايفني قلت كلام مكنش ينفع يتقال كان ممكن الف طريقة غير اللي انت عملته معايا انك تستغني عني بالصورة اللي كل الناس شافتها و تكون مساهم في ضياع مستقبلي في الكورة".
واستطرد: "و قال ايه لما انا رحت جولدي انت قولت الحمد لله اني رحت نادي !!! انت مصدق نفسك ؟؟ لاعب كان بيلعب دوري ممتاز و انت مبسوط انه راح درجة رابعه و شايف كدة انا تمام !! ؟؟".
وواصل المرغني: " مش كدة و بس لا كمان كنت شاري لما كنت لاعب في وادي دجلة فيلا عندهم في كمبوند اسمه بيراميدز واك و طبعاً بعد المشكلة بفترة مكنتش بقدر اسدد المبالغ اللي عليا و اترفع عليا قضية و المهم ربنا كرمني و بعتها و دفعت الفلوس اللي عليا و الغرامات و كل حاجة راح سايب القضية شغالة و مقالوش اني دفعت من بدري".
وتابع نجم دجلة السابق: "و فجأة الاقي محضر بيحجز علي الشقة ( بعد ما سددت بسنتين ) و بيقولي عليك غرامة ١١٣ الف جنيه بدفع فيهم من السنة اللي فاتت".
شاهد أيضـا.. مفاجأة| يلعب في مركز "صلاح".. فرنسي ينضم لمنتخب مصر
الاتحاد الأفريقي يرسل خطاب عاجل للأهلي.. تعرف على التفاصيل
واختتم الميرغني: "فلو سمحت متقولش انك خايف ان الدوري يرجع علشان الناس".
المواعيد كاملة.. اتحاد الكرة يرسل للأندية خطة بداية ونهاية الدوري
ورد ماجد سامي على تصريحات أحمد المرغني قائلًا: "انت كداب انت عقدك كان فاضل عليه شهرين و احنا مجددنالكش لمستواك مش للكلام اللي انت قولته احنا إديناك أجازة شهرين عشان الكلام اللي قولته اما انت كنت ماشي ماشي متكذبش الكذبة و بعدين تصدقها أنا فاكر قصتك كويس".
