أهلي أونلاين

عدلي القيعي يكشف كواليس فشل الأهلي في التعاقد مع مهاجم بالميركاتو الشتوي

عدلي القيعي رئيس شركة الكرة بالأهلي
أهلي أونلاين -

تحدث عدلي القيعي، رئيس شركة الكرة بالنادي الأهلي، عن ملف تعاقد القلعة الحمراء مع مهاجم جديد خلال الميركاتو الشتوي الأخير وغضب الجماهير تجاه ذلك.

وقال القيعي، خلال تصريحات عبر قناة النادي الأهلي: «الجميع بيتكلم إننا عاوزين مهاجم، مع إن كل الماتشات اللي هربت مننا لو مدخلش فينا أهداف كنا فوزنا بها».

وأضاف القيعي: «يعقوبو أول لاعب أجنبي خلصنا فيه ولكن فشلت الصفقة بسبب الكشف الطبي، دا لو كان إجتاز الكشف كان إتحلت مشكلة المهاجم، دخلنا في صفقة موليكا وفضلنا 20 ايام متواصلين مع النادي التركي».

وتابع القيعي: «كنا شغالين علي لاعب برازيلي تاني وتقوم ناس تخوش تبوظ الصفقة بعد الاتفاق وفجأه اللاعب وكيله طالبوا طلبات غير منطقية (700 ألف دولار) عموله، ما هو محدش هيقدر يضغط عليا عشان أنا محتاج لاعب».

وواصل رئيس شركة الكرة: «الأهلي بدأ يتحرك وعمل خطوات في منظومة الكرة بالنادي ودا هيكون بناء لـ السنوات القادمة، ومش هقول تفاصيل دلوقتي».

واختتم عدلي القيعي: «اللاعب اللي مش هيستحمل ويعترف إن في تقصير يبقي لا يصلح للأهلي، ومحدش له فضل علي النادي الأهلي خالص مهما كان اللاعب صغيراً وكبيرا».