أهلي أونلاين

فيديو.. حقيقة ”مشادة” محمد شريف مع حسين الشحات في مباراة وادي دجلة

حسين الشحات
حسين الشحات

كشف ثنائي الفريق الأول لكرة القدم بالنادي الأهلي، حسين الشحات ومحمد شريف مهاجم الفريق، حقيقة  ما حدث بملعب مباراة الفريق أمام وادي دجلة أمس الأربعاء.

وخرج الشحات ومحمد شريف، في "لايف" عبر موقع التواصل الاجتماعي "إنستجرام" وقاما بنفي ما تم تداوله أن شريف إنقفعل على حسين الشحات.

وكان محمد شريف، ظهر منفعلا أثناء خروجه من ملعب المباراة، وأثير عبر بعض وسائل الإعلام أن شريف إنفعل على حسين الشحات.

وقال محمد شريف في اللايف:"أنا مستغرب حاجة، إنك أنت كنت عند الجول أنا عاوز اللى بيتفرج على الماتش يشوف انت كنت فين، قبل ما أطلع من الملعب بـ10 ثوان، أنا كنت هتجنن"، ليقاطعه الشحات: "أنا كنت واقف قدام مش قادر أرجع"، مضيفا: "ناس كتير كلمتنى وقالتلى انت زعقت مع شريف، بس هنزعق مع بعض ليه يا جماعة".

وتابع مهاجم الأهلي: "أنا مش عارف مين اللى قال إنى بزعق مع حسين، هما أصلا محدش يعرف أنا بزعق مع مين، فأى حد بيقول أى حاجة، المشكلة إننا مش بنزعق ونتكلم ولا عمرنا بنتخانق مع بعض"، ليلتقط الشحات الحديث قائلا: "أنت عارف يا شريف إن النادى الأهلى فى خصومات وإيقاف، يعنى احنا هنتخانق مع بعض عشان نتوقف احنا الاتنين، فى ناس ما شاء الله عاوزين يوقعونا خاصة بعد بطولة أفريقيا".

ورد حسين الشحات: "احنا الحمد لله اللاعيبه كلها بتحب بعض، وربنا بيكرمنا الفترة الأخيرة عشان احنا مع بعض وعلى قلب رجل واحد، وكلنا كتف فى كتف وهو ده اللى منجحنا".



ahly ahly ahly ahly ahly ahly ahly ahly ahly ahly ahly ahly ahly ahly ahly ahly ahly ahly ahly ahly