طارق السيد: امتى هنكسب الأهلي؟.. وجماهير الزمالك تعبت
هاجم طارق السيد نجم الزمالك السابق لاعبي ناديه عقب الخسارة أمام الاهلي بهدفين مقابل هدف في بطولة الدوري مساء اليوم الأحد.
وقال طارق السيد في تصريحات عبر برنامج الماتش الذي يقدمه الإعلامي هاني حتحوت عبر شاشة صدى البلد " كارتيرون بيناقد نفسه في التصريحات، ازاي بيقول اننا كنا الأفضل في الشوط الثاني وبيقول ان اللعيبة كانت معاقين، انا مش فاهم تصريحاته".
وتابع " لعيبة الزمالك بتتكلم في الفلوس وبس، هاتوا بطولات الأول، انا مش مصدق الجيل ده، المفروض انهم محسوبين عليهم من أفضل أجيال الزمالك، الزمالك نادي بطولات، قارن الجيل بغيره بالبطولات مش بالمهارات الفردية
وأضاف طارق السيد " عمالين نقول بن قلبي والرسام وفي الآخر مفيش بطولات، مش عاوز القاب على اللعيبة، انا عاوز بطولات، مينفعش منطلعش منصات تتويج باللعيبة دي، الواحد تعب ".
طارق السيد: انا كنت مرعوب!
وأوضح "انا من قبل المباراة وانا مرعوب".
وتابع " كنت مرعوب من قبل المباراة بسبب الكلام ان الأهلي ناقص والزمالك كامل، مباريات القمة بتتلعب في الملعب، اللعيبة كانت متطمنة ان في غيابات في الأهلي".
وأضاف "فانلة الزمالك تقيل على لعيبة كتير في الزمالك، جمهور الزمالك زهق وتعب".
وواصل طارق السيد "الفريق مجاش الاستاد في الشوط الأول.. في ظل الغيابات دي ومكسبتش.. أمال هتكسب الأهلي امتى؟".
واختتم "حل الزمالك هي اقامة انتخابات، بالشكل ده مش هناخد بطولات".
طارق السيد: جمهور الزمالك تعبان
وعن تصريح "شامم ريحة الدوري" قال "وقت ما قلت التصريح ده كان بعد أول مباريات للفريق".
وتابع " اتفرج على الزمالك اول 6 مباريات، كان حاجة تفرح وفي شغل محترم معمول".
وأضاف "بعدها طلع ان الناس في الجهاز الفني وقتها مش مسيطرة ومشينا بشكل لا يليق سواء اشرف قاسم او عبد الحليم علي، اتظلموا ومشيوا ".
واختتم طارق السيد "جمهور الزمالك عاوز بطولة، الناس تعبانة، انا حزين على جمهور نادي الزمالك".
إقرأ أيضا..
بعد توقيعه 5 سنوات.. سبب غضب ثلاثي الأهلي من موسيماني وتوفيق
مصدر: كريستال بالاس يخطط لضم لاعب الأهلى
الأهلي يكتب نهاية تجربة بيراميدز بـ3 ضربات غير متوقعة
انتهت رسميا.. تفاصيل صفقة الجوكر الجديد التي قرر موسيماني ضمها في الصيف
