محمد الشناوي يكشف مفاجأة صادمة عن فايلر.. ويوجه رسالة لجماهير الزمالك
كشف محمد الشناوي حارس مرمى النادي الأهلي، مفاجأة عن آخر أيام رينيه فايلر المدير الفني السابق للأهلي مع الفريق.
وكان السويسري غادر الأهلي قبل مواجهتي نصف نهائي دوري أبطال إفريقيا أمام الوداد لظروف أسرية خاصة.
وقال الشناوي في تصريحات تلفزيونية مع الإعلامية مني الشاذلي: "من بعد الكورونا واللاعيبة حست ان فايلر اتغير من معاملته وطريقته وحاجات كتير كان بيعملها مبقاش يعملها".
وأضاف: "كان مثلا الاول يفرجنا على فيديو قبل الماتشات مبقاش يفرجنا على حاجة ، كان في تحضيرات معينة بيعملها مبقاش يعملها ، الفترة الاخيرة مكنش مهتم".
وفي سياق متصل رد الشناوي على اشارته بعد نهائي إفريقيا والتي أثارت جدلا: في صورة ليا وانا" هص"، انا كنت بعمل كدة للاعيبة بتاعتي عشان مؤمن جاي يرفع الكأس ، لان في ناس فاهمة اني كنت بعمل كدة لجمهور الزمالك ، لا طبعا جمهور الزمالك على راسي وانا مليش في الحركات دي.
وعن انضمامه الأول مع منتخب مصر قال الشناوي : لما لعبت اول ماتش ليا مع المنتخب قدام البرتغال هما كانوا حاطين ان الشناوي دا بعد الماتش هيكون اه يا لأ ، اول ماتش محطوط ليا دولي قدام البرتغال فا هما كانوا حاطني في وش الجمهور ، بس الحمدلله ربنا وفقني في الماتش دا.
واستطاع الشناوي برفقة زملائه في الأهلي من تحقيق لقب دوري أبطال إفريقيا، بعد الفوز على الزمالك بهدفين مقابل هدف.
