”شتمته جامد”.. أحمد فهمي: ”لولا أخويا جه متأخر شيكابالا كان هيتهان كرامتة”
كشف الفنان أحمد فهمي، تفاصيل جديدة عن المشاجرة التي نشبت بينه وبين محمود عبد الرازق شيكابالا، خلال حفل زفاف شريف منير حسن عضو مجلس إدارة الزمالك السابق.
وقال فهمي، في تصريحات تلفزيونية: "شيكابالا لو كان شتمني كنت عدتها، لكنه غلط في الأهلي وجماهيره وأي حد بيشجع الأهلي.. أنا كابو أهلاوي وقبل ما أكون ممثل أنا مشجع أهلاوي".
وأضاف: "شيكابالا كلمني وهو في البرتغال وقالي عاوز أرجع علي الاهلي وطلب اني اتوسطله وفيه شهود بكدا، بس القريبين ليا وللاهلي قالوا ميليقش بينا".
وتابع: "وأنا في الفرح روحت أسلم عليه، فسلم عليا وقال أنا كنت أقدر اعمل اللي انت عملته بس مرضتش، قلت له ايه اللي عملته يا شيكا، قال انت عارف، قلت له انت غلطت في اللي يخصني، قال مين يخصك؟ النادي الأهلي؟ طب كذا وكذا وكذا وفضل يسب في النادي".
وأكمل: "رديت الشتيمة في وشه، وشتمته جامد أوي لدرجة إنه اتصدم، الحمد لله أن كريم فهمى جه متأخر.. الدنيا ماكنتش هتتلم وشيكا كان هيتهان كرامتة أكتر".
وأكد: "حازم إمام أخدني على جنب وقال لي متزعلش يا فهمي.. بالنسبالي دي كبيرة عندي اوي أنه يقول كده، نادي الزمالك كله مدرسة ورموز كبار".
