شاهد.. ميدو يهاجم ”المطبلاتية” ويوجه تحذير ناري لمرتضى منصور

وجه أحمد حسام "ميدو" الميدر الفني الأسبق للفريق الأول لكرة القدم بنادي الزمالك، رسالة لمرتضي منصور رئيس النادي الأبيض.

وكتب ميدو عبر صفحته الشخصية على موقع التواصل الاجتماعي "تويتر":"اهم مباراة للزمالك هي مباراة بيراميدز مباراة سيحسم من خلالها بشكل كبير صراع المركز الثاني..غياب طارق حامد مشكلة كبيرة..فكرة عبد الغني امام قلبي الدفاع قد تكون فكرة جيدة في وسط السرعات الكبيرة التي يمتلكها بيراميدز..احمد عيد ظهر بشكل مبشر..ان شاء الله المباريات القادمه تتقله".

وتابع:"لم يعجبني زيزو في اخر ٣ مباريات..زيزو واحد من اهم لاعبي الزمالك الموسم الماضي وواحد من اهم صفقات الزمالك في السنوات الاخيرة..افتقد في المباريات الاخيرة اهم ميزة فيه وهي التركيز وانه بيتصرف في الكورة كويس وبياخد قرارات صح مع التزامه الدفاعي طبعا..لازم يرجع لتركيزه مره تانيه".

وأوضح:"الحديث على ان الزمالك استكمل الدوري من اجل الفوز على الاهلي فقط عبث وكلام لا يليق بنادي الزمالك ولا بلاعبيه ولا بجماهيره..واتمنى من المطبلاتية المنتفعين عدم ترديده.الزمالك خسر الدوري ولكن لازم يشارك في بطولة افريقيا ابطال الدوري السنه اللي جايه وان شاء الله نفوز بالبطولة السنه دي".

وأكمل:"امير مرتضى اهم عنصر في منظومة نادي الزمالك في الفترة الاخيرة وادائه تطور بشكل كبير مع الخبرات اللي بيكتسبها مع الشغل..من اهم ميزاته انه يعلم كيف يتعامل مع رئيس  النادي وبيفلتر المشاكل قبل ما توصله ودي ميزه مهمه جدا في ادارة الامور داخل نادي الزمالك ويمكن تكون الاهم!!".

واستطرد:"اذكر المستشار مرتضى منصور بإن اللي دخلك في مشاكل كبيرة في ٢٠٠٥ هما المطبلاتيه اللي كانوا حواليك اللي كانوا بيحاولوا يستفيدوا منك وكانوا بيصدرولك المشاكل مستغلين طبيعة شخصيتك..انت عملت حاجات كويسه كتير ماتخليش الناس اللي بتستفيد من نادي الزمالك بس وتمص دمه تحاول توقعك مره تانيه".

وأردف:"وجودك على رأس ادارة نادي الزمالك مهم جدا في التوقيت الحالي وحتى في المستقبل القريب!! وجودك صداع في راس الناس اللي بتحاول تهد نادي الزمالك منذ سنوات!! لازم تحافظ على مكانك بابعاد اصحاب المصالح من حولك من يعطوك النصيحة الخطأ ويقولون لك نعم وامين فقط من اجل مصالحهم الشخصية".

وتابع:"فتح الصدر بيودي في داهية وانت اكتر واحد عارف كده..مفيش حد كبير في البلد دي وانت اكتر واحد عارف كده!! حسني مبارك الله يرحمه ورجالته كلهم اتحبسوا.تاني خلي بالك لازم يكون حواليك على الاقل واحد بيقولك لا ده غلط..نصيحتي ليك انا عارف انه ابنك الصغير بس دائما قبل ما تتحرك اسمع كلام أمير".

إقرأ أيضا..

الخطيب يفاجئ مؤمن زكريا بقرار جديد

شوبير يكشف مفاجأة في مفاوضات الأهلي مع ثنائي الأهلي والتراجع عن ضم طاهر        

صفقات الأهلي 2020 | كمونة يرشح للأ حمر صفقة من العيار الثقيل..  بديل أحمد فتحى

فايلر يجهز هذا الثنائي لتعويض غياب السولية أمام دجلة     

فايلر يحسم مصير صالح جمعة بعد مشاركته أمام المصري