مفاجأة كبيرة.. شوبير يكشف كواليس جديدة في أزمة رمضان صبحي مع الأهلي

كشف الإعلامى أحمد شوبير، نائب رئيس الاتحاد المصري لكرة القدم السابق، كواليس جديدة فى أزمة رحيل رمضان صبحى لاعب هدرسفيلد الإنجليزى، عن النادي الأهلي.

 وقال شوبير فى تصريحات إذاعية:"لما كلمت رمضان صبحى أفهم منه سبب رحيله عن الأهلى قالى إنه زعلان أن الأهلى دفع مبالغ كبيرة فى شراء حسين الشحات وطاهر محمد طاهر، ورديت عليه قولتله وأنت مالك يابنى بالشحات وطاهر، من حق أى فريق يدعم صفوفه والأهلى مقصرش معاك رغم أن اشترى لاعيبة كتير بس بردو قدملك العرض الأغلى فى تاريخ القلعة الحمراء".

وتابع حارس مرمي الأهلي السابق:"رمضان صبحى كان بيكلمنى وبجواره شريف إكرامى، وقالى ياكابتن أنا اتصلت بالكابتن محمود الخطيب عشان أبلغه أنى هلعب لبيراميدز، خاصة أنه قعد معايا وهو مش بيقعد مع اللاعيبة خالص بشكل منفرد إلا لما بيجتمع معانا فى النادى كلنا، وللأسف مردش عليا فكلمت أمير توفيق بلغته إنى خلصت فى بيراميدز بنسبة 80 %".

وعن نادر شوقي قال شوبير:" نادر شوقى انفصل عن رمضان صبحى، ورمضان أصبح ليه وكيل جديد هو على صقر وهو للى ميعرفش "ابن خالة نادر شوقى"، وبقول للأهلاوية مش عايزين هجوم وتجريح نقفل الملف ونفتكر أى لحظة حلوة للاعب فى النادى".

وأتم شوبير تصريحاته قائلا:"هدرسفيلد الإنجليزى لن يعاقب رمضان صبحى لأنه عايز يبيعه ويستفيد بالفلوس من الآخر، وسر تأخير إعلان انتقال رمضان لبيراميدز هو رغبة الناديين فى حسم الصفقة بأعلى عرض سواء للنادى الإنجليزى وبأقل قيمة مناسبة لبيراميدز، مسألة وقت وشطارة فى التفاوض بس".

إقرأ أيضا..

حقيقة حصول الأهلي على توقيع لاعب الزمالك   

عصام الحضري لرمضان صبحي: "هتندم لو مشيت من الأهلي"

ميدو يكشف مفاجأة مدوية عن رمضان صبحي