«لا عاش اللي يتشرط على الأهلي».. أول تعليق من محمد شريف بعد انضمامه لـ الخليج
علق محمد شريف، لاعب النادي الأهلي المنتقل حديثًا إلى الخليج السعودي، على رحيله عن القلعة الحمراء، خلال الميركاتو الصيفي الحالي.
وكتب شريف عبر حسابه الرسمي على فيس بوك بيانًا يودع خلاله جماهير الأهلي.
وجاء بيان محمد شريف كالتالي..
«السلام عليكم ورحمة الله وبركاته في البدايه
مين يكون معاه وفي ظهره النادي الاهلي ويقدر يتشرط او يملي شروطه عليه.
انا بكتب البوست ده حابب اوجه الشكر لكل ماهو ينتمي للكيان الكبير وبيتي النادي الاهلي
اولا الجمهور
انا فعلا مش لاقي كلام يوصف ولا يوفي حقكم عليا بعد ربنا سبحانه وتعالي كنتم انتم خير دعم ليا وخير سند في اوقات صعبه ليا وللفريق ككل بشكركم . وبعتذر عن اي تقصير في يوم حصل مني وهتفضل اصواتكم ديما معايا وجوايا يااعظم جمهور في العالم
جمهور الاهلي هو من يصنع النجوم دمتم نعمه????
ثانيا:
اشكر ادارة النادي الاهلي انها ساعدتني وادتني الفرصه ان اخر ج من الباب الكبير ومن خلالهم
وتحت اشرافهم هما ، اول مااتعرض عليا العروض كنت حريص علي توجيهها للاداره لدراستها قبلي انا شخصيا وكمان لحفظ حقوق الكيان نفسه قبلي انا شخصيااااااا وتحقيق اكبر افاده للكيان.
وبقولها واكد عليها
لاعاش ولا كان اللي يجي الاهلي ويتشرط عليه في تجديد ولا غيره انا خارج من باب الاهلي الكبير ولله الحمد حاولت افيد النادي علي اد مااقدر وده ميجيش جزء من فضل النادي عليا شخصيا وده شي يشرفني، وديما يكفيني ويكفي اولادي ان اسمي موجود في سجلات النادي وهذا من فضل الله عليا
ثالثا
اشكر كل من زمالتهم وكانو سند ليا وقت لعبي بالفريق من لاعبين كانو اخواتي وديما في ظهر بعض وبفضل الله وبفضلهم عرفت احفر واسجل ارقام هتفضلي موجوده باسمي داخل سطور الكيان الكبير
وبشكر كل المدربين والاداريين اللي اشتغلت معاهم من اصغر واحد لاكبر واحد واخواتنا العمال اللي تعبو معايا جدااا طوال الفتره والفريق الطبي كله بلا استثناء
اخيرا وجب التوضيح
عشت جوه النادي الاهلي ٦ سنين من عمري واجب عليا والتزاما مني اتجاه النادي اخرج وانا شخص مسئول ولذلك
انا من طلبت من النادي الاهلي اخذ كل الاحتياطات لضمان حقوق عودتي من جديد لدوري المصري من خلاله فقط او العرض عليه اولا قبل العوده لمصر
واي كلام يقال في الموضوع ده لا يمت للحقيقه باي شي وهذا للعلم فقط????
الاهلي مفيش حد يتشرط عليه للتاكيد ولكل اللي متابعني طول سنيني ال٦ بالاهلي لم افتعل ولو مشكله واحده وهذا من فضل الله عليا ، لاني اتعامل مع منظومه اعرف واجباتي اتجاها بكل تفصيله
ولنا عوده».
الخليج يُعلن رحيل محمد شريف
أعلن نادي الخليج السعودي، اليوم الاثنين، تعاقده مع محمد شريف، مهاجم الأهلي، خلال الميركاتو الصيفي الحالي.
وكتب نادي الخليج السعودي، عبر حسابه على تويتر بعد نشر فيديو أهداف: «يا رامـيني بسـحر عنـيك الاتنـين، ما تقـولي واخـدني ورايـح فيـن؟ «مـحمد شـريف» خلجـاويًا لمدة مـوسمين».
الأهلي يعلن ضم محمد شريف
أعلن النادي الأهلي، مساء اليوم الاثنين، رحيل محمد شريف، إلى الخليج السعودي، خلال الميركاتو الصيفي الحالي.
ونشر النادي الأهلي، عبر حسابه على الفيس بوك: «محمد شريف إلى الخليج السعودي.. شكرًا على ما قدمته للنادي في السنوات الماضية».
إقرأ أيضا..
غياب الشحات وتواجد 31 لاعبًا.. تعرف على قائمة الأهلي الأولية للموسم الجديد
يتحمل نصف غرامة كهربا.. أفيس البرتغالي يستأنف نشاطه الرياضي
أبرزهم الوداد.. منافسة بين 4 أندية للتعاقد مع أحمد قندوسي
موقف الأهلي من ضم مهاجم إسبانيول
أنا في عطلة.. علي معلول يزيد التكهنات بشأن مستقبله مع الأهلي
