علي لطفي يكشف سبب رحيله من الأهلي ويوجه رسالة هامة للجماهير
وجه علي لطفي، حارس مرمي الفريق الأول لكرة القدم بالنادي الأهلي، والمنضم لفريق زد في فترة الانتقالات الصيفية الجارية، رسالة لجماهير القلعة الحمراء.
وكتب لطفي عبر صفحته على موقع التواصل الاجتماعي "فيس بوك":" مش عارف ابدأ منين ولا منين بس جوايا مشاعر مش عارف اعبر عنها النهارده اخر يوم ليا في النادي الي كان حلم حياتي اني العب فيه من اول ما بدأت العب كوره النادي الي قضيت جواه احسن ٦ سنين في حياتي حققت في بطولات و انجازات".
وتابع:" هتفضل وسام علي صدري ٦ سنين شوفت فيهم كل الحب و الاحترام من كل فرد في منظومة النادي الاهلي ويعلم ربنا اني مقصرتش يوم في حق النادي ٦ سنين كان نفسي يبقوا ٣٠ سنه بس دي سنة الحياه".
وأكمل:" حابب اشكر ادارة النادي بقيادة الاسطوره محمود الخطيب انه تفهم موقفي اني حابب اطلع و اشارك لان التواجد في الملعب هي الحاجه الوحيده الي ممكن ترضي اي لاعيب كوره".
وأتم:"مكنتش هفكر اسيب النادي الاهلي الا لما الاقي مشروع كروي كبير يرتقي لطموحاتي الي اتعودت عليها جوه النادي الاهلي ولقيت كل الي بدور عليه في منظومة نادي ZED المحترمه و المحترفه بما تحمل الكلمه من معاني والله الموفق و المستعان و نسألكم الدعاء بالتوفيق و السداد".
