مرتضى منصور مهاجمًا حكم مباراة الأهلي وفاركو: ”عنده مصايب سودة”
هاجم مرتضى منصور، رئيس مجلس إدارة نادي الزمالك، حكم مباراة الفريق الأول لكرة القدم بالنادي الأهلي وفاركو في بطولة الدوري المصري، والتي أنتهت بفوز المارد الأحمر بهدفين مقابل هدف.
وقال مرتضى منصور، في تصريحات تليفزيونية "الزمالك بيكسب بمجهوده، اللي عمله طارق مجدي في مباراة الأهلي يفوق الوصف، الأهلي لديه لاعبون مميزون ومش محتاج حد يساعده عشان يكسب".
وتابع رئيس الزمالك:" أنت حسبت 6 دقائق وقتا بدل ضائع بتزود دقيقة ونصف من عندك ليه؟، لحد ما الأهلي يحرز هدف، التحكيم مش هيمشي كده".
وأوضح مرتضى منصور:" مين بيحط الحكام؟ طارق مجدي بيحب الأهلي أكتر من سيد عبدالحفيظ وعنده مصايب سودة كتير، لحد إمتى هنقعد نجامل الأهلي، مش ممكن كل المباريات مجاملة للأهلي".
وأتم مرتضى تصريحاته قائلا:" مفروض أنت قاضي في الملعب، اللي بتعمله غلط، أنا حسبت 6 دقايق وقتا بدل ضائع، ثم أضفت دقيقة ونصف، ده ياما ضربات ركنية في الدقيقة الأخيرة الحكم يرفض لعبها، حتى لا يحدث مشاكل، وإنما طارق مجدي مستني الأهلي يسجل هدف".
