شوبير يوجه رسالة هامة لثنائي الأهلي.. ويشيد ببيرسي تاو وينتقد كريم فؤاد
وجه الإعلامي أحمد شوبير، رسالة لمحمد مجدي أفشة، لاعب الفريق الأول لكرة القدم بالنادي الأهلي، بسبب رفضه الاحتفال مع الجماهير بالهدف الثالث للمراد الأحمر والذي سجله أكرم توفيق، وساهم فيه بعد مرواعة الحارس.
وقال شوبير في تصريحات إذاعية:" لوي البوز مش حلو يا نجوم الأهلي، لازم تلعب وتركز، وكلمة في ودن محمد مجدي أفشة، مفيش خلاف عليك والنادي في احتياجه ليك، تلعب ربع ساعة، تلعب نص ساعة، مفيش أي مشكلة، أهم حاجة الأهلي بيكسب، وركز مع الفريق".
وتابع شوبير:" عمرو السولية ملوش حق يطلع وشكله غضبان وباصص في الأرض، مش هي دي الروح، الروح مش كلمة والسلام.. يا عمرو أنت لاعب كبير".
وأكمل حارس مرمي الأهلي السابق:" كل لاعبي الأهلي كويسين لما تبقى على الدكة وتنزل تبقى كويس، تنزل بروح جديدة تضاف للفريق ولزملائك، عجبني حسين الشحات نزل 5 دقايق وصنع الفارق ولاحت له فرصة، وفي فرصة تانية أهدرها".
وعن بيرسي تاو قال:" بيرسي تاو قدم مباراتين بشكل كويس جدًا أمام غزل المحلة والاتحاد السكندري، وسجل هدفين، لكن حظه سيء بعد تعرضه للإصابة خلال مباراة أمس وغادر الملعب قبل النهاية بدقائق.. بيرسي تاو لاعب كويس جدا مفيش خلاف على كدا".
وأتم شوبير تصريحاته قائلا:" الناس كلها كانت بتتكلم على إن كريم فؤاد إزاي لا ينضم للمنتخب الوطني بعد تألقه مع الفريق وظهوره بمستوى كويس.. كريم فؤاد مستواه مش كويس في أخر مباراتين، آه كان كويس جدًا في أول مباريات الموسم وظهر بشكل رائع، لكنه في آخر مباراتين مش هو كريم فؤاد".
