ميدو: محمد صلاح مش عدوي.. وشارة الكابتن بالأقدمية ”هي دي الأصول”

علق أحمد حسام ميدو على الأزمة التي أُثيرت مؤخرا في المنتخب الوطني المصري بسبب قميص حارس المرمى، والتي نشبت بين أحمد الشناوي حارس بيراميدز، ومحمد الشناوي حارس مرمى الأهلي.

قال ميدو في تصريحاته عبر برنامج الريمونتادا على قناة المحور: "الأصول اللي اتربينا عليها في الكورة المصرية، إن شارة الكبتنة بالأقدمية، والأصول في الكورة في مصر إن الأقدم هو الكابتن".

وأضاف: "الناس هتقول إني بقول كدة عشان محمد صلاح، يا جماعة صلاح مش عدوي، أنا بتكلم في الأصول، اختيار القميص بالأقدمية وكذلك شارة الكبتنة".

وواصل: "أحمد الشناوي حارس بيراميدز بيطالب بحقه، وأي لاعب كبير بيفكر صح في حقه، هيأكد إن أحمد الشناوي بيفكر صح في التمسك بقميصه" .

وختم حديثه قائلا: "أحمد الشناوي حارس بيراميدز لو مخدش حقه في المشاركة بالمباراتين الوديتين عشان التصرف اللي عمله في المعسكر كان لازم يتم الإعلان بشكل رسمي عن سبب عدم مشاركة أحمد الشناوي، وكان لازم نوصل المعلومة لمحمد عواد بسبب استبعاده من معسكر منتخب مصر بشكل أفضل كان لازم الجهاز الفني لمنتخب مصر يكبره"