أهلي أونلاين

شوبير يكشف سبب تأخر حل أزمة كهربا.. وتفاصيل محاولات فتحي ورمضان للعودة للأهلي

رمضان صحبي لاعب بيراميدز
رمضان صحبي لاعب بيراميدز

كشف الإعلامي أحمد شوبير، سبب تأخر النادي الأهلي، في حل أزمة محمود عبدالمنعم كهربا، لاعب الفريق الاول لكرة القدم، وتسديد العقوبة الموقعة عليه من قبل المحكمة الرياضية الدولية لصالح نادي الزمالك.

وقال شوبير في تصريحات إذاعية:" هناك جلسة جمعت بين كهربا وسيد عبدالحفيظ من يومين، لكن لم تشهد سوى تقديم بعض الوعود، وكهربا لديه انطباع إن الأهلي هيستغني عنه".

وتابع شوبير:" المعلومة اللي عندي ان الأهلي عايز يساعد، بس مش عايز يدفع الـ40 مليون كلهم، وبرضه كهربا عايز يعرف رأسه من رجله".

وعن تأخر تسديد الغرامة قال:"اللي مخلي الأهلي مقدم رجل ومأخر رجل إن الفلوس دي هتروح نادي الزمالك، وبالتالي ممكن يستغلها في صفقات، وبالتالي بيحاول يأخر حتى انتهاء موسم الانتقالات، ويبدأ ياخد خطوة".

وأردف حارس مرمي الأهلي ومنتخب مصر السابق:" حرام كهربا اللي باع وضحى بكل حاجة عشان الأهلي تكون النهاية إنه يعتزل وهو عنده 28 سنة".

وأشار شوبير، :"هيكون في اتصال تاني بين كهربا وسيد عبدالحفيظ، خلال الساعات المقبلة، ولازم يكون في وضوح، وأنا شايف إن حل انتقال كهربا إلى المصري مجانا، ودفع الغرامة هيكون رائع".

وعن عودة رمضان صبحي للأهلي قال:" الأهلي قافل القصة دي تماما، وعندي معلومة إن واحد من المقربين جدا من محمود الخطيب، حاول كثيرا إقناعه بهذا الأمر، لكن الخطيب لم يرد نهائيا في هذا الأمر".

وعن أحمد فتحي قال:" فتحي موقفه مختلف، مشي بشكل محترم من الأهلي، ومفيش حد زعلان منه، ولا عنده مشكلات مع حد في النادي، لكن مفيش أي حاجة بخصوص عودته مرة أخرى، وموقفه محسوم".

إقرأ أيضا..

بعد توقيع اللاعب.. تفاصيل عرض الأهلي للتعاقد مع مصطفى شلبي

مفاجأة.. الإسماعيلي مهدد بالهبوط للدرجة الثانية والشطب

معسكر الأهلي في هولندا.. مرتج رئيسًا للبعثة وغياب 5 لاعبين

لاعب جديد من الأهلي يقترب من سيراميكا كليوباترا بسبب سامي

خاص.. الأهلي يكشف موقف كريم فؤاد من الرحيل في الميركاتو الصيفي

على نهج الأندية الأوروبية.. لجنة التخطيط تستعين بخطة جديدة في الميركاتو الصيفي