أهلي أونلاين

خاسر سيئ.. ميدو يهاجم سيد عبدالحفيظ ويدافع عن شيكابالا

سيد عبدالحفيظ
سيد عبدالحفيظ

انتقد أحمد حسام ميدو، المدير الفني الأسبق للفريق الأول لكرة القدم بنادي الزمالك، سيد عبد الحفيظ مدير الكرة بالنادي الأهلي، بسبب رفضه التواجد في الممر الشرفي الخاص بنهائي كأس مصر والذي انتهى بفوز الزمالك بهدفين مقابل هدف.

قال ميدو في تصريحاته عبر برنامج الريمونتادا على قناة المحور: "أوجه التحية لسيد عبد الحفيظ على تصريحاته بشأن عدم تقبله للإهانة، وبقوله إنت كدة راجل دكر، أي حد لازم لازم يرفض الإهانة" 

وأضاف: "لكن كان نفسي إن سيد عبد الحفيظ، يحترم البروتوكول اللي أقره اتحاد الكرة المصري، واللي بيتمثل في الممر الشرفي وعلى فكرة البروتوكول ده مبعوت من اتحاد الكورة، مش مبعوت من نادي الزمالك، اتحاد الكرة بعت من قبل الماتش للأهلي والزمالك البروتوكول ده عشان نصدر صورة جميلة للكرة المصرية تُمثل الروح الرياضية للوطن العربي" 

وواصل: "فكرة إن الممر على المزاج زي ما قال سيد عبد الحفيظ مش داخلة دماغي وانت المفروض تكون فرحان بالفكرة حتى لو متعملتش قبل كدة" 

وتابع: "الممر الشرفي يا كابتن سيد، نادي الزمالك بتاريخه هو اللي عاملهولك، احتراما للنادي الأهلي ولتاريخه، واحتراما للعلاقات القوية بين الناديين، لكن رفضك الدخول في ممر شرفي ده مينفعش يتعمل من مدير كورة يا كابتن سيد وهذا عتابي عليك" 

وأكمل: "لو كان الأهلي كسب كان الزمالك هيدخل بكامل أعضائه في الممر الشرفي، أنا مع سيد عبد الحفيظ قلبا وقالبا في عدم تقبل الإهانة، ولكن عتابي عليه أنه لا علاقة للممر الشرفي بأزمتك ومشكلتك مع مرتضى منصور"

 وهاجم ميدو، عبدالحفيظ، بعد رفضه الدخول في ممر شرفي بنهائي كأس مصر أمام الزمالك.

وقال ميدو: "محدش طلب منك يا كابتن سيد، إنك تتقبل الخسارة في فرق بين تقبلك الخسارة وبين إنك تكون خاسر سيئ" 

وأضاف: "الزمالك كسبك كورة في الملعب يا كابتن سيد، لكن اللي عملته برفضك الدخول في الممر الشرفي إنت كدة بتثبت إنك خاسر سيئ" 

وواصل: "لو منك يا كابتن سيد أدخل الممر وأسلم على لاعيبة الزمالك وأقول لكل واحد بسلم عليه مبروك بس هناخد الدوري منكوا لكن مرفضش الدخول" 

وتابع: "كنت مدرب للزمالك وهنلاعب الأهلي، ولقيت لاعب من الزمالك، بيقول للاعيبة الزمالك متسلموش على لاعيبة الأهلي، رفضت وقولتله ليه متسلمش عليهم، عايز تكسبوا، اكسبوا في الملعب، لكن فكرة إنك متسلمش عليهم قبل الماتش أو بعد الماتش إنت كدة معملتش حاجة كويسة" 

وأردف: "أقسم بالله مفيش أهلاوي شافني في الشارع بعد نهائي الكأس، مقاليش مبروك يا كابتن وتستحقوا"

وقال: "الدوري مش مستحمل من أي مسؤول إنه يعمل أي حاجة لا تمثل الروح الرياضية"

أضاف: "رسالتي لسيد عبد الحفيظ، ابعد الزمالك عن مشكلتك مع أي حد، الزمالك ملوش علاقة بأزماتك الشخصية" 

واستكمل: "اللي عملته لا يصح كمدير كورة ولازم تُمثل توجه الدولة اللي عايزة يكون هناك روح رياضية"

ميدو يدافع عن شيكابالا: "مظلوم" والبعض بيحاول إقحامه في الأزمات 

دافع أحمد حسام ميدو، عن محمود عبد الرازق شيكابالا، قائد الفريق الأول لكرة القدم بنادي الزمالك، مشددا على أن البعض يحاول أن يجعله يقع في الخطأ من خلال "فبركة" الفيديوهات.

قال ميدو في تصريحاته عبر برنامج الريمونتادا على قناة المحور: "شيكابالا مظلوم والبعض حاول تزوير بعض الفيديوهات، من أجل أن يقع اللاعب في الخطأ" 

وأضاف: "الفيديو الأصلي في احتفال لاعبي الزمالك وشيكابالا بكأس مصر، شيكابالا طلب من جمهور الزمالك إنه ميشتمش، وحول هتاف الشتيمة إلى هتاف الدوري يا زمالك، شيكابالا عايز يتغير وعايز يحسن علاقته مع جمهور الأهلي، ورغم كدة البعض بيحاول ينتقم منه، بفيديو مفبرك"

وختم حديثه قائلا: "البعض بيحاول إقحام شيكابالا في الأزمات، ورسالتي لجمهور الزمالك أرجوكم لما شيكا يروحلكم وهو مش هيبطل يروحلكم، متشتموش، عشان ميدخلش في مشكلة بسببكم"

إقرأ أيضا..

سواريش يفتح النار: ما يحدث في الدوري المصري لا يتحمله بشر، 3 لاعبين سقطوا من الأهلي مجددا

قرار جديد من فيوتشر قبل مواجهة الزمالك.. طالع التفاصيل

أزمة جديدة في الأهلي رغم الفوز على الجونة.. تعرف على السبب

صفقة تبادلية تاريخية بين الأهلي والترجي التونسي.. «معلول مقابل بن رمضان»

قرار مفاجئ من الخطيب في الأهلي قبل الميركاتو الصيفي

noadsf