مودي الجارحي يوجه رسالة قاسية للراحلين عن الأهلي
علق مودي الجارحي، صانع ألعاب فريق السلة بالنادي الأهلي على توقيع العديد من لاعبين الأهلي للأندية الأخرى مقابل العائد المادي.
وكتب مودي الجارحي عبر صفحته الرسمية على "فيس بوك":" مفيش لاعب بيضحي عشان خاطر النادي الاهلي عدد محدود البيضحي بجد و انا عارفهم و بالأسم في كل الالعاب ، الكل بيستفاد من وجوده في النادي الاهلي وجود اي لاعب في النادي الاهلي دا شرف كبير اوي ، قبل النادي الاهلي الاعب مفيش اتنين عارفينوا في الشارع بعد النادي الاهلي مصر كلها عارفاك لمجرد ارتباط اسمك بأسم النادي الاهلي و الامثلة كتير اوي ، انك ترحل او تتفاوض علي الفلوس دا حقك طبعان كل واحد بيشوف مصلحته".
ووجه مودي الجارحي رسالة لجماهير النادي الأهلي قائلاً:" احنا كجمهور النادي الاهلي علينا عامل كبير اوي في الكلام دا عشان احنا بنكبر اي حد و بنحسس اي حد انوا فوق النادي و بنضغط علي الادارة و معرفش علي اساس ايه بنعمل كده الاعب دا بياخود عقد قدامه بيتمرن و بيلعب و مطلوب منه يكسب اي بطولة بيلعبها او يعمل العليه و التوفيق دا بتاع ربنا ، لا احنا كجمهور بعد اي ماتش ننزل ٥٠ بوست للاعب نشكره و نحسسه انوا خيره علي النادي و انوا كان بيلعب لوحده فا طبيعي الاعب و هو بيجدد هيتشرط علي النادي و لما يجي النادي الاهلي يقولوا دا اخرنا في الفلوس و دا الصح طبعان فا الاعب يمشي فا الجمهور بيكون عنده صدمة".
وأوضح صانع ألعاب سلة الأهلي :"احنا النادي الاهلي و النادي الاهلي مش بيوقف علي حد في اي لعبة ، الاسطورة كابتن محمود الخطيب اعتزل و النادي الاهلي كسب ابو تريكة اعتزل و النادي الاهلي كسب نجوم كتير في كل الالعاب اعتزلت و النادي الاهلي هو النادي الاهلي هيفضل يكسب ان شاء الله ، علي فكرة انا بقول الكلام دا و انا لاعب و كابتن النادي الاهلي و زي اي لاعب و الكلام دا ينطبق عليا و لكن الحمد لله طول عمري عارف ان النادي الاهلي خيره علي الواحد اكيد اوقات بتزعل و تدايق من حاجات و لكن عمري ما اقدر اساوم النادي الاهلي قلبي ميجبنيش اني اعمل كده و دا البابايا و مامتي ربوني عليه ، و انا بتكلم دلوقتي بلسان واحد من جمهور الاهلي و بالمناسبة اي لاعب يقولك انا مضيت علي بياض بيكون الكلام دا اي كلام بيكون عارف كويس اوي عقده ايه و دا حقه طبعان ولكن ميقولش بضحي و في لاعب تاني مش بيمضي غير و كل حاجة مكتوبة في العقد و دا حقه هو كمان بس ميقولش بضحي و المشكلة ان التمثيل و الضحك علي الجمهور هو دا الماشي اليوميين دوول و لكن هيجي اليوم الهيبان مين بيمثل و مين بيحب النادي بجد و علي فكرة في ناس زي ما قولت في اول كلامي بضحي عشان النادي و في كل الالعاب موجودين الناس دي التستاهل الشكر و التقدير علي حبها و غيرتها علي النادي الاهلي و اخر حاجة عايز اقولها وجود اي لاعب في النادي الاهلي في اي لعبة دا شرف بيحلم بي ملايين غيرك.
النادي الاهلي فوق الجميع
إقرأ ايضا..
تفاصيل مفاوضات الأهلي لضم جون ايبوكا.. وموسيماني يطلب حارس جديد
بعد موافقة مرتضى.. الزمالك يقترب من التعاقد مع زوجة نجم الأهلي في مفاجأة مدوية
فرج عامر يكشف عن مفاجأة من العيار الثقيل بشأن صفقة «زيزو » والأهلي
