أحمد بلال يكتب ل”اهلي اونلاين” :ليه مروان افضل من مصطفى محمد ؟
يعتقد البعض من جماهير الزمالك اننى لا احب مصطفى محمد او اننى اهاجمه وهذا ليس صحيحا على الاطلاق وكل ما فى الامر ان وجهة نظرى فقط تتلخص فى ان مصطفى كمهاجم واعد يحتاج الى بعض الامور التى يمكن ان تساعده على تقديم مستوى افضل وقدرة اكبر على التهديف خصوصا ان الساحة حاليا تعانى من عدم وجود مهاجمين للكرة المصرية
مصطفى محمد يحتاج ان يتدرب بشكل كبير على التسجيل بكلتا قدميه وليس الاعتماد فقط على التسجيل بالرأس فقط لأن المهاجم المتميز هو من يستطيع ان يسجل برأسة وقدميه فى اى مباراة وامام اى منافس ..
انا مش " منفسن" ولا حاطط مصطفى محمد فى دماغى زى ما ناس كتير شايفه بل بالعكس انا بادعمه وبحاول احلل الاداء واديلو نصايح عشان يبقى افضل فى الفترة اللى جاية ..
مروان احسن من مصطفى محمد ليه ؟ من وجهة نظرى مروان محسن لما كان فى قمة " فورمته " الفترات الماضية كان افضل من مصطفى لاسباب كثيرة منها انه بيقدر يسجل اهداف بالرأس والقدمين سواء مع الاهلى او المنتخب .. كمان مروان عند خبرة انه يستلم فى منطقة الجزاء بهدوء ويسجل اهداف وكان رقم واحد فى المنتخب والأهلى لفترة طويلة.. ودى حاجات اكيد مصطفى هيكتسبها خلال الفترة اللى جاية المهم يركز ويكون عنده استعداد انه يسمع ويتعلم من اصحاب الخبرات
نصيحتى لمصطفى محمد انه يسمع كويس ويستفيد ويتعلم من الناس اللى عندها خبرات وكانوا مهاجمين كبار .. وميخليش حد يملى دماغه بكلام من نوعية " ده مش بيحبك او منفسن عليك "
